غزل
نن مې د زړه اندېښنه بل رنګې ده
داسې ښکارېږي کیسه بل رنګې ده
ـ
چا جوړې بل گلشن ته اور ورته که
سپرلي راوړې وږمه بل رنګې ده
ـ
له خپله ځانه سېوا هېڅ نه ویني
د ښکلو خلکو نشه بل رنګې ده
ـ
د کتابونو دښمنان ډېرېږي
په جهالت کښ مزه بل رنګې ده
ـ
زاهده ستا د کوټګۍ نه بهر
لږ خو راؤوځه نقشه بل رنګې ده
ـ
څوک چې یې څومره سموي ورانېږي
پښتون ته پېښه لانجه بل رنګې ده
ـ
اسراره هسې نه چې ورک شې پکښي
د دې دنیا دا مېله بل رنګې ده
ډاکټر اسرار بابا
ایک تبصرہ شائع کریں