"غزل"
چې تمهید ئې لاجواب وۀ پۀ کتاب کښې
ستا پۀ نوم به انتساب وۀ پۀ کتاب کښې
مجسمه ائېنه ئې رسموله
یؤ مضمون لکه تالاب وۀ پۀ کتاب کښې
د لوستو نۀ وۀ وینۀ پرې مُسلط وو
ګنې لیک مې انتخاب وۀ پۀ کتاب کښې
یعنې پاڼو کښې پناه ئې وه اخستي
پټ ازغو نه یؤ ګُلاب وۀ پۀ کتاب کښې
پۀ فهرست کښې ئې عنوان چرته غېب شوے
لاجواب غوندې یؤ باب وۀ پۀ کتاب کښې
د بریال غزل کښې هر یؤ شعر کتاب وۀ
بیا کتاب کښې بل کتاب وۀ پۀ کتاب کښې
ــــــــــــــــــ
بریال یوسفزے
ایک تبصرہ شائع کریں