دَ یو بلـه خبــر یُو دَ یو بل پۀ زړۀ پوهېـــــــــــږو
خو یو بل ته کتې نۀ شو دَ یو بله شرمېــــــــــږو
پۀ بل هُنـــر پۀ بله دُعا خُداې خبـــر کۀ روغ شـو
دَ مینې پۀ اور ســــوي یُو پۀ مینـــه به رغېــــږو
رقیب ســـــــــره به ګورو دَ رقیب خبــــره نۀ ده
پۀ مینــــــه کښې دَ مینې دَ یارانــــو نه یرېــــږو
دُنیـا راتـه ولاړه وي دُنیـا راتـه پســـــــــــــخیږي
چې زۀ آؤ هغه ناست یُو سره خپلو کښې ګړېږو
زمـــــــونږ دَ بېلېدو نظاره هم دَ تماشــــــــــو وي
ودرېــــږو ، روانېـــږو ، ځو ودرېــــږو روانېــــږو
دَ ستـــرګو دا یوه نیـکي دې ډېـــره ده لوګے شم
پنـــــاه راکړي چې کله دَ حــالاتو نه پټېــــــــــږو
صابِـــر ته دَ توبې خبـــره مۀ کوه ناصِـــــــــــحه
پۀ مینه کښې پُښتـو کوو کۀ مـرو کۀ پاتی کېږو
ایک تبصرہ شائع کریں