اﷲ چغه د تکبير د حيدر را
توان موقع د حق بيان پۀ منبر را
چې پرې زړونه کړمه مُوم د سنګدلانو
پۀ ګفتار کښې مولٰي داسې اثر را
چې د وخت جبر برداشت کړمه سبحانه
د فولادو راله زړۀ او ځيګر را
چې پرې اورسم د حق اعلٰي مقام ته
لويه خدايه د خيال داسې وزر را
چې ديدن د صداقت اوکړم کريمه
د زړۀ سترګو له مې داسې نظر را
چې پرې رد کړم نظريې د ګمراهانو
عليم ذاته فکر داسې ژور را
روغاﻧﾡ دې د کرم پۀ انتظار يم
الٰهي د خوشحالۍ يو خبر را
ایک تبصرہ شائع کریں