غزل
سعید ګوهر
دا څه زندګي ده چې تېريږي د خوبونو په دنيا کې
دومره تاريكي ده چې ځان نه وينم د اوښكو په رڼا کې
خپل مړی اخستی را روان يم رنګ د ځان په وينو باندې
څومره تنهائي ده د احساس د توري شپې په كربلا کې
نه چرته ژوندون نه حرکت ، لكه ويجاړه هديره زړۀ
داسې خاموشي ده نن صبا زما د ښار په شاوخوا کې
نه شو زما نه شو اُومې نه موندو د سر په بيعه باندې
ای د زړۀ خريده ! تاواني شومه د مينې په سودا کې
دا زما په كور کې ، دا زما د كور په وران غولي کې نن شپه
څنګه خوشبوئي ده ، چرته ستا زلفې خورې دي په هوا کې
څه به اوبومه تږی زړۀ په سراب باندې، څه به ځمه
يو خو تشنګي ده ، بله ټكنده غرمه او په بېديا کې
ایک تبصرہ شائع کریں