نوي نقشونه سازوي ما پۀ بل رنګ جوړوي
دا ځل تصوير مې مصّور څومره بدرنګ جوړوي
چرته چې ټکي د الفت خپلې معنې ورکې کړي
هلته د وخت نابغه پاڅي خپل فرهنګ جوړوي
خپله د تاج پۀ سرولو ځان حقدارې ګڼي
زما کچکول لاسونه ښکل کړي ما ملنګ جوړوي
دغې سيالے ته مې سر سم نۀ دے زۀ ماتے منم
خوا د کور مې ګاونډي کور رانه دنګ جوړوي
د بهروسو جونګهړې بيرته جوړوي خپلوان مې
د ګمانون تاج محل زما تر څنګ جوړوي
لکه چې دوّر بل خوشحال پيدا کوي ماښامه!
دا چې فضا درنه چاپېره د اورنګ جوړوي
ایک تبصرہ شائع کریں