زړۀ يې رانه اوس غواړي تۀ دا ګوره
څومره رانه لـــــــــــرې دی اشنا ګوره
راشه چې کړو سترګې مخامخ سره
زۀ به پکښې تا ګــــــورم ، تۀ ما ګوره
چا سره يو ځای ليدلي شپه او ورځ
زلفــــــې يې تيارې ، مخ يې رڼا ګوره
څنګه به مې زړۀ را شي د زړۀ ځای له
تۀ د خــــــــئپلو سترګـــــــو ناز ادا ګوره
قېسه! چې وحشت دې خوښؤلو نو
ګرځه په صحرا کښې اوس لېلا ګوره
هر څو کۀ دا نور خلک دنيا ګوري
اے خاطره! تۀ پکښې اشنا ګوره
خاطر اپرېدی
ایک تبصرہ شائع کریں