غزل
چرته به لاړ شي اخر، ستا له انتظاره سړے؟
د سخت روزګار نه، نه وېريږي بې روزګاره سړے
اوس د تسبو پر ځاے په ګوتو ستا وعدې اړوي
ستا محبت دومره بدل کړ، لمونځ ګوزاره سړے
وطن دې وخوړ، احسانونه هم کوې په وطن
چې دا چوکۍ دې په سر ماته کړي واکداره سړے
خداى خبر خوب ترينه چا وړى دى؟ که ورک دى چرته؟
د سترګو جيب کښې وهي ګوتې تر سهاره سړے
اجمل منصور وايي غزل خو خېټه نه مړوي
باقره! څه نا څه کوي، د ژوند لپاره سړے
#باقر
ایک تبصرہ شائع کریں