د خپله لاسه مې سکون او هم قرار وبايلۀ .
د ډېرو زړۀ به مې ساتلو نن مي يار وبايلۀ .
ايستلی نه شم له دماغه څخه شک بدبخته .
هم دغه شک دی چې مې هرځای ( اعتبار ) وبايلۀ .
نه پوهېدمه لېونتوب را سره مل ؤ چې ما .
محبتونه، الفتونه د دې ښار وبايلۀ .
هڅه مې وکړه ستا په زړۀ کې بۀ مې ځای موندۀ خو -
ما پر رقيب باندې هم دغه کور تيار و بايلۀ .
د ژوندانۀ لوبه اغيارو رانه وګټله . ما چې پرخپلو وسايلو خپل اختيار وبايلۀ
هغه مستي ، هغه شوخي هغه هستي مې نشته .
هسې بې ځايه مې ليکواله هر خمار وبايلۀ .
-------------
امير محمد ليکوال
02/01/2017
ایک تبصرہ شائع کریں