غزل
دا کاڼي کاڼي غرونه دا درې جوړول غواړي
د خاورو د کورونو نه بنګلې جوړول غواړي
د زړه د تلوسو نه تماشې جوړول غواړي
د خپل وطن په کلو کې مېلې جوړول غواړي
د تندې نه چې ونه مري مارغان زمونږ د غرونو
دې تږو تږو سترګو له چينې جوړول غواړي
پښتونه مېړنيه جنګياليه لېونيه
ټوپک ماتول غواړي او لېسې جوړول غواړي
د خپلو ګل درو د سرو انګورو د غونچو نه
دې تراړو تراړو شونډو له پيالې جوړول غواړي
د مرګ په خوب اوده نه کړي د ژوند لېونۍ سترګې
د جبر جنګ پرستو له جنګلې جوړول غواړي
اے سياله تل د مټو په زور نه کيږي جنګونه
اوس وخت دی د شعور نه به مورچې جوړول غواړي
ایک تبصرہ شائع کریں