غزل............... ډاکټر اسرار صيب مردان
د محبت چې تقاضې زياتېږى
خوبونه کم شى، شوګيرې زياتېږى
مونږ جوړ د يو بل اپوټه يو روان
زمونږ تر مينځه فاصلې زياتېږى
بلې دنيا ته به د چا زړۀ اوشى
دلته خو رنګ رنګ تماشې زياتېږى
پې مخى ستايئ خو لږ خيال هم کوئ
په دې د ښکلو ناز نخرې زياتېږى
جوړ د ريا کارويار زور کړے دے
په بازارونو کښې تسبې زياتېږى!
د دې جنګرېز نتيجه هر څۀ چې وى
په مقبرو کښې مو جنډې زياتېږى
د دې تعليم ډيوو کښې تيل نشته دے
ډيوې ډيرېږى او تيارې زياتېږى
اسراره ژوند د مسئلو نامه ده
ژوند چې تېرېږى مسئلې زياتېږى
ایک تبصرہ شائع کریں