خالي نسکور کړم او بل جام کړمه راډک د خمار
زه په خوبونو کې هم ګرځم په درک د خمار
زاهده خدای خو دې خبر مه کړه له دغه زوره
دَ زمکې چال چپه کولې شي چورلک د خمار
بلا دې واخلم د ازار له بلا ويرېږه
خېرې قبلېږي په سرور کې ټک په ټک د خمار
د چا په يو نظر کتو داسې زنګېږي ولې
و د مودو مودو بلد دغه هلک د خمار
د دنيا واړه نعمتونه دې شي ستاسو نصيب
ما ته خو ماته صراحي ده مبارک د خمار
څوک په خمار باندې مئين څوک د خمار په خالق
د چا به خوښې وي سجدې د چا تيندک د خمار
انګور، خشخاش او بنګ خو واړه پیدا کړې دي رب
امجده جام به اخر ولې ګڼم سپک د خمار
امجد شهزاد
ایک تبصرہ شائع کریں