وم د هر چا خو ستا د کار نۀ ؤم
زۀ کۀ پۀ لار وم، خو په لار نۀ ؤم
تا بۀ زۀ دومره خبر کړی خو وی
زۀ که خبر له دې بازار نۀ ٶم
زه د خپل زړۀ پۀ نري تار زنګېدم
زه د هيچا پۀ شان پۀ دار نۀ ٶم
دا مې هم لويه خوش بختي وګڼه
چې د هجوم پۀ منځ کې شمار نۀ ٶم
د دښمنۍ مارانو نۀ پرېښودم
دا چې دوستانو ته وزګار نۀ ٶم
ښه ده، چې خاورې خاورو وخوړلې
ښه ده چې ستا په اوږو بار نۀ ٶم
دغه دنيا وه د هوښيارو کلی
تسنيمه! زۀ دومره هوښيار نۀ ٶم
ریاض تسنیم
ایک تبصرہ شائع کریں