غزل
هغه نن سبا يې راته مخکې مخکې کېږي نن
هغه د تنکۍ مينې نـــغــمه راتــــه غږېږي نن
هغـــه اشارې يـې راته اوس هم اشارې کوي
هغــــه خنداګانې دي والله راتــه خندېږي نن
هـــغه د درواغـــو قسمونه او وعــدې درواغ
هغه انتظار دی تورې شپې دي چې روڼـېږي نن
هغه تور اوربل کې هغه ګل ټومبلی هغه شان
هغه شرابي سترګې يې هغه شان شرمېږي نن
هغــه امېل، هغــه ږمنځ، هغـــه سلايي کاجل
هغـــــه ائينه ده هغه سترګې دي تورېږي نن
عبدالرحيم روغانى Abdurraheem Roghani
#پښتوژبه #پښتوادب #پښتوشاعري #دپښتنوغږ
ایک تبصرہ شائع کریں