غزل:
سعید ګوهر
خواږه یاران، تراخه وختونه مې په یاد ګوهره!
زه چې پــــــه ډیره مینه باندې وم آباد ګوهره!
زما د ښار ټولې کوڅې دې پــه سکون وي مړې
د چا به هېر یمــــــه، د چا بــــه یمه یاد ګوهره!
که ارزو وي که طلب کـه تقاضا که خـــــواهیش
هــر یو ماشوم دی پـه ما ګران لکه اولاد ګوهره!
زه تــــــوازون یمــــــه د ژوند، ما فیصله کړې ده
مینـــــه د ښکلو، زما مینـــــــه د هیواد ګوهـــره!
دا سیاست به مې اخر خوار کړي په څېر د وطن
بخت او وخت دواړو راتـــــــه کړے اتحاد ګوهره!
ارشاد ګوهره! ستا کمال ستا پــه کلام کښې ثابت
پښتونخوا ټوله درتــــه یو غوږ ده ، ارشاد ګوهره!
ستا پــــه غزل کښې د باقي پاتــــه کیدو امکانات
ته به ژونـدے ، وې خدائے بخښلي ارواښاد ګوهره!
ایک تبصرہ شائع کریں