کچکول روان دے ، رباب ټنګېږي
روڼه جنګېږي ، کور ئې ورانېږي
لارې تيئرې دي، قام ئې ا ودۀ دے
دنيا پۀ څۀ ده، پښتون پۀ څۀ دے
غټ غرضي شو ، خوار ناخبره
قاضي بې توله ، حاکم بې سره
منډه د دۀ ده ، ښکار د هغۀ دے
دنيا پۀ څۀ ده پښتون پۀ څۀ دے
دنيا د خان شوه ، دين د مُلا شو
ژوند نۀ د ستا شو، او نۀ زما شو
قلم څۀ نۀ شو ، عَلَم څۀ نۀ دے
دنيا پۀ څۀ ده پښتون پۀ څۀ دے
کور بې مالکه کوڅه کې سپي شو
موسم بې وخته ، پټي پردي شو
د ګونګي چغه ، کار د ړاندۀ دے
دنيا په څۀ ده، پښتون په څۀ دے
ایک تبصرہ شائع کریں