مونږ څنګ خلق څنګ سړي يو
لیوني يو
چې د مينې په نوم ننګ شي
د ښائست په وطن جنګ شي
مونږ خبر شو
زر شو ورشو
خپل ځانونه لولپه کړو
خپل کورونه خوار خسته کړو
لاړې لړه کړو تالا کړو
غزا اوکړو
توره اوکړو
چې جنګ تم شي
هر څه سم شي
نو څه داسې خلق راشي
چې د کومې راپيدا شي؟
خو د جنګ په وخت کښې نه وي
د تاوانه خبر نه وي
خو د هر څه مدعيان شي
مشران شي منصفان شي
ميدان نيم کړي
هر څه خپلو کښې تقسيم کړي
زمونږ مړي مونږ له راکړي
مونږ ته خپل مړي په شا کړي
ــــ ارواښاد ډاکټر صاحب شاه صابر
ایک تبصرہ شائع کریں