سترګې
سترګې ظالمانــــــــې وي ، سترګې قاتلانــــې وي
نور به چا ته نۀ ګـئورم ، مړ کړم د يار مړو سترګو
مستې چې شي ځوانـــې شي ، لا څۀ قصابانې شي
زړۀ مې کــــــئړو قطرې قطرې ، بيا چړو چړو سترګو
خلق د سپرلــــــــــو مزې ، اخلـــــــي د ځوانـــــو مزې
ما ته خو تريخ کــــړے ژوند ، ډېر د چا خوږو سترګو
ټوله شپه شوګـــــــير کؤم ، لوبــــــــې په تصوير کؤم
خـــوښ په شوګــــــــيرو کړمه ، زۀ د يار اودو سترګو
پوې نۀ شومه هېڅ په ځان ، پاتې شوم حېران حېران
زړۀ رانه په چل چل کښې ، يوړو غلچکو سترګو
رحمت شاه سائل
Post a Comment