دَ مورنو ژبو نړيواله ورځ دَ روغانې بابا دَ لوَړو فکرونو سره :
مخ پټ له هغه لور يا هغه ځويه کړه پُښتو !
چې تا زمرے پيدا کړو ځان ئې سويه کړه پُښتو !
پرتې دې سر لوړَۍ او کامرانۍ ستا په لمن کښې
بچي دې خدائې په دې خبره پويه کړه پُښتو !
چې ستا د يو بچي په نوم ستا شان ختمول غواړي
الله دې بچ له داسې غل غدويه کړه پُښتو !
په زيړو اننګو دَ پُښتنو کښې چې سُرخي شې
په علم په حکمت دې رب سُر خرويه کړه پُښتو !
ګُلان به درله راوړم علامې دَ پَسرلي دي
شانه دې تورې زُلفې سُنبل مويه کړه پُښتو !
چې ځائې ورپکـښې سـَوي احساسات دَ روغاني شي
مولٰى دې ورته لويه لمن لويه کړه پُښتو !
________________________________________________
""""""""""""""""""""""""""""""""""""""'''''''''"""""""""""""""""""""""""'''''''''''''''''''''''''''''''"
دا پُښتو دَ عجائبو عَجوبه ده
داسې نوم دے چې سړے ورته حيران شې
چې په صدق مسلمان شوې نو پُښتون شي
چې پُښتون کله پُښتون شي مسلمان شي
________________________________________________
""""""""""""""""""""""""""""""""""""""""""""""""""""""""""""""""""""""""""""""""""""
(دَ اصلاح تنقيد )
څۀ فضول کار دے چې خبرې په پُښتو کښې ليکم
ما ته لا چا وې چې شعرونه په پُښتو کښې ليکه
عبث نظمونه روغانيه په پُښتو کښې ليکې
پُښتانه نن هم دَ پُښتو ژبه لوستلے نۀ شې
تد بير ترې هير شو پُښتون اوس په تقدير صبر کوې
پُښتو دَ " ښۀ يم " ژبه نه ، دَ "ښۀ به شم " ژبه ده
( ډوزي )
نه خط ئې شو ليکلے
نه ليک ئې شو لوستلے
سبق نه مو ويستلې
مکتب نه مو شړلې
هم بنده مو په کور ده
پُښتو زمونږه مور ده
---------------------------------------------------------------------------
حمزه خو وائې دَ جنت ژبه ده
مونږ به دوزخ کښې دَ پُښتو سره يو
"""""""""""""""""""""""""""""""""""""""""""'''''''''''''''''''''"""""""""""""""""""'''''""""""""
انګزيزي ده کۀ فارسې کۀ نوري ژبې
چې مې ذهن ته راورسې پُښتو شې
(انتخاب) : ګل سوات (آرين) .... حال ، اسلام آباد
تصوير فروري ۲۰۱۴ مکه المکرمه ( دَ اورنګ زیب شاکر صيب ديره)
ایک تبصرہ شائع کریں