تورې تيارې ته سپين ســــــبا وايه
کۀ تۀ کامياب نۀ شوي نو بيا وايه
هرې بلا ته وايه ستړې مۀ شې
هر مصيبت ته مرحبا وايه
خپلو رښتياؤ ته دې وايه دروغ
د بل دروغو ته رښتيا وايه
دلته کښې خلق خوشحالېږى په دے
غټ بېوقوف ته هم دانا وايه
هر دوکه باز ته وايه پير او مُلا
هر ډاکه مار ته رهنما وايه
دلته کښې هر څۀ اپوټه چلېږى
بل ته بينا ځان ته ړوندا وايه
دلته د عقل سيکه نۀ چلېږى
دا کلمه سبا بېګاه وايه
کله چې تنګ شي د غمونو نه ډېر
دا د اسرار غزل بيا بيا وايه
ډاکټر اسرار اسرار
ایک تبصرہ شائع کریں