تلــــم او راتلــم اخر خالي مکان ته ودرېدمـــه
زۀ چې د ځـــانه مرور ووم ځان ته ودرېدمــه
دا شپۀ زمونږ د بد بختۍ حــــالونه چاته وائي
يوه شېبه لــه ستورو ډک اسمان ته ودرېدمــه
خداے خبر کـــومې ذائقې مې پۀ زړۀ اورېــدې
دا چې د شونډؤ د شکـــــــرو کان ته ودرېدمــه
نور د دې ويړ جهان د هــر منظره غلے تېر شوم
ته مې ارمان وې او زۀ خپل ارمان ته ودرېدمه
خق دے تسنيمه ! د باګـــــــرام د پريزادو جادو
راغلـــــــــم او څلي د ملنګ رحمان ته ودرېدمه
(اروښاد رياض تسنيم )
Post a Comment