غزل
چې زما مينه ستا په كار نه راځي
مالــــه جانـــــانه! بله لار نه راځي
زما د زړه په چينه خوله دې كېږدي
كه ميخانه كښې د چا وار نه راځي
د پوهو سترګو مې تا لوست ونه كړ
ماله په خوله چل د اظهار نه راځي
د لېــــــونو هــــوښياري هــــم ومنه
په مېرو ګرځي، خو په ښار نه راځي
د فن د خـــــــرڅ هنر مو زده نه كړلو
د دغـــــــې ګټــــــې كاروبار نه راځي
ګــــــــران د زړګي زخم په څه وګنډي
چې يې په لاس د زلفــــو تار نه راځي
اکرام الله ګران
Post a Comment