د مینې او محبت مجسم
اکرام الله ګران بابا
هر څۀ دې مري انسانيت دې نۀ مــــــــري
له دې دنيــــــا نه محبت دې نۀ مــــــــري
ستا په لېمـــــــــو تنـــــــــده د زړۀ ماتوم
پکښې اوبۀ د مــــــروت دې نۀ مـــــــــري
د بې دليـــــــــل انصــاف له لاسه که مرم
زما دليـــــــــل، زمــــــا حجت دې نۀ مري
د ســــــرمايې بټۍ پۀ دې ګــــــــــرمه ده
غــــريب دې مړ شي خو غربت دې نۀ مي
زما د زړۀ پۀ مشعل هــــــر څوک دې ځي
خو په سيلـــــــو د رقابت دې نۀ مــــــري
ستا د جفا لمبې که ما ســــــــــوځــــــوي
دا د وفــــــــا د مينې پت دې نۀ مــــــري
د ګـــران په قبـــــر که واښۀ زرغون شي
ياران ژوندي دې وي صحبت دې نۀ مري
Post a Comment