ﺳﺘﺎ ﻟﯧﻮﻧﻰ ﻳﻢ، ﺍﻧﺘﻈﺎﺭ ﻣﯥ ﮐﻮﻩ، ﺩﺭ ﺑﻪ ﺷﻤﻪ
ﺯﻩ ﻻ ﮊﻭﻧﺪﻯ ﻳﻢ، ﺍﻧﺘﻈﺎﺭ ﻣﯥ ﮐﻮﻩ، ﺩﺭ ﺑﻪ ﺷﻤﻪ
ﺩﻟﺘﻪ ﭘﺮﺩﻯ ښاﺭ، ﺩ ﭘﺮﺩﻭ ﺧﻠﮑﻮ ﺩ ﻧﻪ ﺯړﻩ ﮐﻠﻲ
ﺩﻟﺘﻪ ﭘﺮﺩﻯ ﻳﻢ، ﺍﻧﺘﻈﺎﺭ ﻣﯥ ﮐﻮﻩ، ﺩﺭ ﺑﻪ ﺷﻤﻪ
ﻻ ﺧﻮ ﺯﻣﺎ ﭘﻪ ﺯړﻩ ﮐﯥ ﻣﻴﻨﻪ ﺯﺍړﻩ ﺷﻮﯤ ﻧﻪ ﺩﻩ
ﻻ ﺧﻮ ﺯﻟﻤﻰ ﻳﻢ، ﺍﻧﺘﻈﺎﺭ ﻣﯥ ﮐﻮﻩ، ﺩﺭﺑﻪ ﺷﻤﻪ
ﺳﺘﺎ ﺩ ﻭﻋﺪﯤ ﺳﻮﺭﻯ ﺗﺮ ﺩﯤ ﻭﺧﺘﻪ ﭘﻪ ﺳﺮ ﮔﺮځوﻡ
ﮐﻠﮏ ﺩ ﻭﻋﺪﯤ ﻳﻢ، ﺍﻧﺘﻈﺎﺭ ﻣﯥ ﮐﻮﻩ، ﺩﺭ ﺑﻪ ﺷﻤﻪ
ﭼﯥ ﺳﺘﺎ ﮐﻮڅه ﻳﯥ ﻫﻤﯧﺸﻪ ﺩ ﮊﻭﻧﺪ ﺟﻨﺖ ﮔڼﻠﻰ
ﻫﻐﻪ ﺳړﻯ ﻳﻢ، ﺍﻧﺘﻈﺎﺭ ﻣﯥ ﮐﻮﻩ، ﺩﺭ ﺑﻪ ﺷﻤﻪ
ﺩ ﺗﻮﺭﻭ ﻏﺮﻭﻧﻮ ﺳﭙﯧﻠﻨﻮ ﻭﺍﻭﺭﻭ ﻧﻪ ﭘﻨﺎ ﻻﻟﻴﻪ
ﺳﺘﺎ ﻟﯧﻮﻧﻰ ﻳﻢ، ﺍﻧﺘﻈﺎﺭ ﻣﯥ ﮐﻮﻩ، ﺩﺭ ﺑﻪ ﺷﻤﻪ
ﺩ ﺟﺎﻧﺎﻥ ﻳﺎﺩﻩ ﺗﻪ ﻭﺭځه ﺩ ﺟﺎﻧﺎﻥ ﺧﻮﺍ ﮐﯥ ﺍﻭﺳﻪ
ﺯﻩ ﺩﺭﭘﺴﯥ ﻳﻢ، ﺍﻧﺘﻈﺎﺭ ﻣﯥ ﮐﻮﻩ، ﺩﺭ ﺑﻪ ﺷﻤﻪ
ﺳﺘﺎ ﺩ ﻳﺎﺩﻭﻧﻮ ﺳﻴﻠۍ ﻭﺍﺧﻴﺴﺘﻤﻪ ﺩﺭ ﻳﯥ ﻭړﻣﻪ
ﺑﺲ ﺩﺭﻧږﺩﯤ ﻳﻢ، ﺍﻧﺘﻈﺎﺭ ﻣﯥ ﮐﻮﻩ، ﺩﺭ ﺑﻪ ﺷﻤﻪ
ﺩ ﭘﺮﺩﻱ ښاﺭ ﻣﺴﺎﻓﺮﻱ ﻣﯥ ﺻﺒﺮ ﺧﻮﺭﻱ ﺻﺎﺑﺮﻩ
ﭘﻪ ﺯړﻩ ﻧﺮﻯ ﻳﻢ، ﺍﻧﺘﻈﺎﺭ ﻣﯥ ﮐﻮﻩ، ﺩﺭ ﺑﻪ ﺷﻤﻪ
ایک تبصرہ شائع کریں