څوک پۀ ﻻرو کښې ازغي کري نېکنام شي
څوک تابـيـا د سـرو ګلـونو کـړي بدنام شي
دا د عدل کـوم انداز دے لـږ مـې پوئے کړه
چې دې زلفې چاته ټـال او چاتـه دام شـي
څوک يو دوه قدمه واخلي تـر تــا درشــي
د چـا پـښې پۀ مـزل مـاتې شي ناکام شي
نۀ پــوهـــېږم پُــښـــتنه بې بــاکه مــينه
د اشــنا پـۀ وړانـدې ولــې احـترام شـــي
بيا پۀ طـمع د وصال مـې واورې پـرېوځي
چــې د سـتا د کلـي غرونو ته مې پام شي
نـۀ دروغ شــم نــۀ رښــتيــا درتـــه وئـيلے
زمـا مـينه دې د سـتا پــۀ زړۀ الــهام شي
يـوه شـپه نـيمه خـو داسې وي، چې وايم
چـې دا ژونـد دې تـمامي پکښې تمام شي
د ولـــي ســدا بـهــار خـــود ســـره فــکر
سپرلے نۀ دے چې د شپو ورځو غلام شــي
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارواښاد پروفېسر ډاکټر
راج ولـي شـاه خټـک
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Post a Comment