امجد شهزاد
دَ ژوندانۀ لۀ ښائستونو نه خبر شي خلک
چې دَ احساس پۀ اور کښې وسوزي سرۀ زر شي خلک
پاتې دَ ژوند پۀ زغل کښې دغسې اکثر شي خلک
چې اخته ټول عمر دَ وينوپۀ سنګر شي خلک
دَ بل محتاجه دَ ژوندون پۀ هر ډګر شي خلک
چې بې قلمه، بې کتابه، بې هنر شي خلک
چې دَ شعور نه اؤ دَ عقل نه منکر شي خلک
دَ دې دَ پاسه به نور څۀ پۀ شاړو سر شي خلک
کۀ ډېر مضبوط شي کۀ ډېر لوئے لکه دَ غر شي خلک
خو ستا محفل ته چې درورسي اوتر شي خلک
خدايه چې ستا دَ نعمتونو به څۀ شمېر کوومه
په ټُوک ډوډۍ پسې لۀ کوره مسافر شي خلک
دَ الفتونو جهان ټول دَ ښائستونو ډک دے
کۀ دَ نفرت لۀ غاره لږ شانې بهر شي خلک
چې دَ رازق فلسفه څۀ وائي پۀ دغه حقله
پۀ شته وطن پۀ شته دوتر کښې چې نهر شي ش خلک
لهجه بدله کړي امجده سترګې هم بدلې
چې ځائے ته ورسېږي دومره معتبر شي خلک
Post a Comment