غزل : اکرام الله ګران بابا
کتاب : ژوند د خیال په آٸینه کښي۔مخ ١١٨
د هجر شپي دومره اوږده ولي شوي
د تورو زلفو سلسله ولي شوي
زما سپیره په نامراده ذکر
ته د حیا نه تکه سره ولي شوي
ته مي د ژوند د رڼاګانو قاتل
زما په قبر بیا ډیوه ولي شوي
لاري مو بیلي زړونه نه خړوو
زما غم خور عقله خفه ولي شوي
تنده مي ماته کړه د سوخت په خولو
اوس په لیمو کښي میکده ولي شوي
ستا د دیدن وریځې بل خوا ته ځې
یو څو کړۍ په ما شیبه ولي شوي
د ګران! په حقله که تا څه پریښي وو
لاړي نو بیا را په ستنه ولي شوي
Post a Comment