*زيت الرحمٰن عاجزٓ صېب*
خودارۍ نه راله سر وهي لګيا دی!
قرضداری راله ور وهي لګيا دی !
د مور نوم يې په ژړا د خولې نه خيږې!
څوک ظالم چرته نوکر وهي لګيا دی؟
په سپين مخ باندې خالونه د رنجو ږدي!
ځان پخپله په نظر وهي لګيا دی!
بيا پيسې چا د سخات ندي ورکړي؟
بيا څوک چغي په ممبر وهي لګيا دی؟
د مرغۍ د بچو چغي ترې راخيږي!
بره غره کې څوک نختر وهي لګيا دی؟
ماشوم زوی مې هم زما تکليف محسوس کړو!
په تندي راله څادر وهي لګيا دی!
ستا عاجز ستا د بڼو مخ ته ولاړ دی!
په یوازې سر لښکر وهي لګيا دی !
Post a Comment