د خاورې په تقسيم خو نه تقسيم شوې نه جدا شوې
د ژبې غلامۍ که ورک کړې بويه که پيدا شوې
د سر د ډېرېدو دعا دې ما غوښته له خدايه
پښتونه چې لښکر شوې زما نه شوې د مُلا شوې
تصوير مې ستا د زړه د دېواله نه خپله پرېوت
هم دغې سودا واخستم چې تۀ هم د سودا شوې
ستا وينه آخر څه وايي يزيد به چاته وايو
پښتونه که په مفته کې شهيد د کربلا شوې
زما د زړه بازاره د ڪنډرو دې لوګې شَم
ګونګې ولې يې پوی مِ کړه چې لوټ شوې که تالا شوې
زمونږ دلداري دغه وه د دوی دلبری دا وه
دوی خپلې مينې نغدې کړې زمونږ مينې نسيا شوې
په داسې لمبو اوسوې د خوُنبارو غوټو شونډې
د سرو ګلونو څانګې نه د "نن" نه د "سبا" شوې
د ژوند د پسرلي د ارمان لاس دې را په شا کړو
زما د ځوانۍ خوبه څه نيمګړے نيمه خوا شوې
د چا سترګې د اوښکو ډکې نه شولې سائلؔه
محفل کې چې د ستا د فکر شمعې په ژړا شوې
رحمت شاه سائل
ایک تبصرہ شائع کریں