ارواښاد سليم راز صېب
وخت د ديدن کښې په خُله چپ يو خو خبرې کوو
د سترګو فن کښې په خُله چپ يو خو خبرې کوو
مونږ د ګل هسې خاموشه د خوشبويي په ژبه
چمن چمن کښې په خُله چپ يو خو خبرې کوو
يو بل ته حال مونږ د زړګو په درزېدو کښې وايو
ستا انجمن کښې په خُله چپ يو خو خبرې کوو
مونږه د فن کرښې ګويا کړې د احساس په لمبو
حال د قدغن کښې په خُله چپ يو خو خبرې کوو
د تن زخمونه خُله پرانيستي هر موسم کښې لرو
دې ژوند ازغن کښې په خُله چپ يو خو خبرې کوو
تل په ذهنونو کښې کرو مونږ د شعور پلوشې
کۀ خپل وطن کښې په خُله چپ يو خو خبرې کوو
رازه! لفظونو ته مونږ چل د بغاوت ښودلے
نړۍ د نن کښې په خُله چپ يو خو خبرې کوو
Post a Comment