غزل
چېرته په خوب کښې چې هم راشي جانان
بیا په کلونو مې سودا شي جانان
چې وي د سر په بدل یم یوازې
مئینان ډېر شي چې وړیا شي جانان
بیلتانه پوئ کړم په دې راز د مینې
زړه ته نزدې شي چې جدا شي جانان
په داسې حال کښې به څوک مینه وکړي
چاته وئیل چې هم ګناه شي جانان
په هغه ورځ مې واخله مړ رقیبه
خدائې مه کړه ستا که د خندا شي جانان
چې په تیارو کښې د ژوند لار ورکه شي
د سترګو نور شي ، رنګ رڼا شي جانان
بل څه خبره چې هم زیاره کووم
خولې له مې هېڅ بې هېڅه راشي جانان
#ډاکټر_خالق_زيار
ایک تبصرہ شائع کریں