بیا خوند به دې پیدا شي ژوندانۀ کښې څۀ نه څۀ
که درد د محبت دې وۀ پۀ زړۀ کښې څۀ نه څۀ
زړګیه ! تۀ کچکول شه زۀ به شم ورته ملنګ
موندۀ به کړو خیرات د یار پۀ ورۀ کښې څۀ نه څۀ
د شنو شګو زرې دي که دے نمر د شین آسمان
پټ پټ دي حکمتونه پۀ هر څۀ کښې څۀ نه څۀ
خواږۀ خواږۀ به شي درته ترخۀ ترخۀ حالات
خواږۀ غوندې پیدا کړه تۀ پۀ خولۀ کې څۀ نه څۀ
افـګـاره ! خوبریانو ته کتل نۀ ده ګناه
حیا چې وي د سترګو پۀ کاتۀ کښې څۀ نه څۀ
افګـار بخـاري
۔۔۔۔۔۔۔۔۔۔۔۔۔۔۔۔۔۔۔
ایک تبصرہ شائع کریں